روزہ۔۔۔ تقویٰ کا بیٹری چارجر


سیما آفتاب:کراچی

قرآن کریم میں اللہ تعالیٰ کا ارشاد ہے کہ:
يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ
مومنو! تم پر روزے فرض کئے گئے ہیں۔ جس طرح تم سے پہلے لوگوں پر فرض کئے گئے تھے تاکہ تم متقی/ پرہیزگار بنو۔ ( البقرہ ۔ 2:183 )

یعنی روزوں کی فرضیت کا بنیادی مقصد تقویٰ کا حصول اور ترقی ہے۔ تقویٰ عام طور پر اللہ کے ڈر سے تعبیر کیا جاتا ہے، جبکہ تقویٰ صرف ڈر کا نام نہیں بلکہ یہ اللہ سے محبت کے ایک احساس کا نام ہے جس میں بندہ ہر وہ کام کرنا چاہتا ہے جس سے اس کا خالق خوش ہو اور ہر اس کام سے اجتناب کرتا ہے جس سے اس کی ناراضگی کا ڈر ہو۔ 
ہم میں سے ہر ایک کی یہ کوشش ہونی چاہیے کہ تقویٰ کی راہ اپنائے کیونکہ اللہ نے قرآن پاک میں جگہ جگہ متقین کے بارے میں اپنی رضا اور انعامات کا ذکر کیا ہے، مگر ہمارا نفس اکثر ہمیں اس راہ سے بھٹکا دیتا ہے۔ اور ہم کبھی انجانے اور کبھی جان کر اللہ کی ناراضگی مول لینے والے اعمال میں ملوث ہو جاتے ہیں۔ ایسے میں ہماری تقویٰ کی بیٹری کمزور ہوتی جاتی ہے، اس بیٹری کی بدولت ہی ہم اپنے نفس پر قابو پا سکتے ہیں۔ اور جب بیٹری کمزور ہوتی ہے تو اس کو چارج کرنے کی ضرورت پڑتی ہے ۔۔ ایسے میں اللہ کا بہت بڑا احسان ہے ہم پر کہ اس نے ہم پر روزوں کی صورت میں ایک چارجر مہیا کیا ہے۔
جیسا کہ حدیث پاک میں آیا ہے کہ "رمضان میں سرکش شیاطین قید کردیے جاتے ہیں" ، تو اس طرح ہمیں اپنے نفس کی اصلاح کا موقع میسر آجاتا ہے ، روزے کے دوران اللہ کا حکم مان کر خود پر کئی طرح کی پابندی عائد کرکے ہم شعوری طور پر خود کو اللہ کے حکم کے تابع کرتے ہیں کہ سامنے کھانا پانی رکھا ہے مگر مقررہ وقت سے پہلے اس کو ہاتھ تک نہیں لگاتے کیونکہ جانتے ہیں کہ روزہ کے دوران کھانا پینا اللہ کی نافرمانی کا کام ہے۔ اور ساتھ ہی "اللہ دیکھ رہا ہے" کا احساس ساتھ ہوتا ہے جو ہر برے کام سے بچانے میں معاون ثابت ہوتا ہے۔ اسی طرح دیگر گناہوں سے بھی بچنے کی کوشش کرتے ہیں جو غیر رمضان میں "بیٹری ڈاؤن" ہونے کی صورت میں کرجاتے تھے۔ اور جب مسلسل تیس دن اس تربیتی دور سے گزرتے ہیں تو یہ احساس پیدا ہوتا ہے کہ ہماری تقویٰ کی بیٹری چارج ہو رہی ہے، اللہ کی موجودگی کا احساس ساتھ ہوتا ہے۔ روزہ ایک ایسی عبادت ہے جو ظاہر نہیں ہوتی بلکہ ایک چھپی ہوئی عبادت ہے اللہ اور اس کے بندے کے درمیان۔ تو ایسے میں اللہ کی نافرمانی سے بچنے کے لیے اور اس کو راضی کرنے کےلیے خدا کے حکم پر ہم کھانا پینا چھوڑ سکتے ہیں تو گناہ و نافرمانی چھوڑنا تو اس سے بہت چھوٹی بات ہے۔ یہ نافرمانی چھوڑنا ہی وہ تقویٰ ہے جسے رمضان کا مقصد قرار دیا گیا ہے۔ اور اس مقصد کو حاصل کرنے کے لیے ضروری ہے کہ رمضان میں صرف روایتی طور پر نہیں بلکہ پورے شعور و آگہی اور آداب کے ساتھ روزوں کا اہتمام کیا جائے اور چھوٹی سے چھوٹی نافرمانی سے بھی بچا جائے۔ اس کے علاوہ رمضان میں حاصل ہونے والے تربیت کو سال کے باقی گیارہ ماہ میں بھی خود پر لاگو کیا جائے ۔ جس طرح چارجنگ کے بعد گاڑی کی بیٹری اپنا کام ٹھیک ٹھیک انجام دیتی ہے، اسی طرح ہماری زندگی کی گاڑی کو چلانے کے لیے رمضان کے روزے اور قرآن سے تجدیدعہد، ہماری تقویٰ کی بیٹری کو چارج کرتے ہیں اور پھر باقی گیارہ مہینے اس قوت کے سہارے یہ گاڑی چلتی رہتی ہے ۔ اس سے بڑا انعام ہمارے رب کی طرف سے اور کیا ہو سکتا ہے؟

اللہ سے دعا ہے کہ اس رمضان اور آنے والے ہر رمضان کو ہمارے لیے باعث تقویٰ و ہدایت بنائے آمین!


تبصرے میں اپنی رائے کا اظہار کریں

تبصرے

  1. سبحان الله. آپ ماشاء اللہ زبردست خطیب ہیں. اللہ جزائے خیر دے آمین

    جواب دیںحذف کریں
    جوابات
    1. السلام و علیکم ورحمتہ اللہ ۔۔۔۔ کیوں شرمندہ کر رہے ہیں ۔۔ میں اور خطیب؟؟ بس کچھ دوستوں کی حوصلہ افزائی پر یہ کوشش کی جس کو میگزین میں جگہ بھی مل۔گئی ۔۔ الحمد للہ

      حذف کریں

ایک تبصرہ شائع کریں

زیادہ دیکھی گئی تحاریر

ہجرتِ مصطفی کا منظوم واقعہ

الفاظ کی نئی دنیا (صراحہ)

آخری خواہش

زمرہ جات

رمضان غزلیں امید سوئے حرم سورہ البقرہ دعا سفرِ حج استقبال رمضان، ایمان، میرے الفاظ خطبہ مسجد نبوی میری شاعری پاکستان شاعری یاد حرم لبیک اللھم لبیک محبت خلاصہ قرآن سفرنامہ صراط مستقیم شکر اچھی بات، نعت رسول مقبول توبہ حج 2015 حج 2017 حمد باری تعالٰی خوشی #WhoIsMuhammad سورۃ الکہف ملی ترانے نمل کچھ دل سے استغفار توکل سفر مدینہ سورہ الرحمٰن پیغامِ حدیث، حکمت کی باتیں دوستی سورہ الکوثر سورہ الکھف علامہ اقبال علم 9نومبر آزادی باغبانی عید مبارک فارسی اشعار، قائد اعظم قرآن کہانی معلومات یوم دفاع آبِ حیات جنت خطبہ حجتہ الوداع خطبہ مسجد الحرام رومی، زیارات مکہ سورہ المؤمنون سورۃ الناس شکریہ قربانی محمد، محمد، سوشل میڈیا، نیا سال، 2017 پیغام اقبال یوم پاکستان 11-12-13 16December2014 APS اردو محاورہ جات بارش تقدیر جنت کے پتے حج 2016 حیا، ذرا مسکرائیے سورج گرہن 2015 سورہ العلق، سورۃ العصر سورۃ الفاتحہ، طنز و مزاح عاطف سعید عورت قرآن لیس منا ماں مسدس حالی مصحف موسیقی نمرہ احمد والد یوم خواتین، عورت
اور دکھائیں

سبسکرائب بذریعہ ای میل