اشاعتیں

February, 2014 سے پوسٹس دکھائی جا رہی ہیں

معزز اور کم ظرف

تصویر
معزز ترین آدمی کی پہچان یہ ہے کہ اس کے دل میں ہر ایک کے لئے محبت ہوتی ہے اور وہ آسانی سے کسی دوسرے کے ساتھ دشمنی پر آمادہ نہیں ہوتا۔
وہ چاندی کی پیالی کی طرح ہوتا ہے۔
اگر اُسے موڑنا چاہیں تو آسانی سے مڑ جائے گا۔
اور اگر آپ اسے توڑنا چاہیں تو وہ آسانی سے نہیں ٹوٹے گا۔

اور کم ظرف آدمی کی پہچان یہ ہے کہ وہ آسانی سے محبت پر آمادہ نہیں ہوتا۔
دُشمنی کے لئے اُدھار کھائے بیٹھا رہتا ہے۔
مٹی کے پیالے کی طرح ہوتا ہے کہ آپ اُسے موڑنا چاہیں تو ہرگز نہیں مڑے گا۔
اور اگر توڑیں تو فوراً ٹوٹ جائے گا۔

آج کی بات ۔۔۔ 17 فروری 2014

تصویر
زمین پر آسمان سے بارش اور چاندنی نچھاور ہوتی ہے
لیکن زمین سے آسمان پر غبار جاتا ہے ،ہر برتن سے وہی ٹپکتا ہے
جو اس کے اندر ہوتا ہے !

محبتوں کی ہزار شکلیں

تصویر
محبتوں کی ہزار شکلیں محبتیں ان کے نام سے بھی محبتیں ان کے کام سے بھی محبتیں شفقتوں کی صورت محبتوں میں پیام دل کا محبتوں میں نظام دل کا محبتوں کی فضا محبت عمل محبت, جزا محبت ہر ایک دل کی صدا محبت خودی محبت، خدا محبت محبتیں پُر بہار لمحے محبتیں یادگار لمحے محبتیں, جن میں دل ہو شامل محبتیں، زندگی کا حاصل محبتوں کی ہزار شکلیں محبتیں یہ ہمارا تحفہ

دوستی ۔۔۔ میری ایک شعری کاوش

تصویر
بڑا ہی سہانا سفردوستی کا
رہے ساتھ یہ عمر بھر دوستی کا

جسے مل گیا ہے وہ خوش بخت ٹھہرا
ہے قسمت سے ملتا گُہر دوستی کا

ہے یاروں کے دم سے یہ دنیا کی رونق
بَسے ان کے دم سے، نگر دوستی کا

جہاں میں سبھی دوست ہوتے نہیں ہیں
نہیں سب میں ہوتا، ہنر دوستی کا
محبت، بھروسے اور اخلاص سے ہی بنے یہ تناور شجر دوستی کا
کبھی دوست کو اپنے کھونے نہ دینا ہے رشتہ بڑا معتبر دوستی کا
یہی اب تو ہر دم خدا سے دعا ہے دمکتا رہے یہ قمر دوستی کا
سیمز آفتاب

تیرا ملنا ترا نہیں ملنا

تصویر
کسی شاعر نے اپنے محبوب کے وصل و فراق کے بارے میں کیا خوب کہا ہے:
  تیرا ملنا ترا نہیں ملنا   اور جنت کیا اور جہنم کیا
شاعری میں یہ مبالغہ عام ہے ، مگر حقیقی دنیا میں ایک بندہ مومن بار بار اس تجربے سے گزرتا ہے ۔ اللہ تعالیٰ کے ساتھ تعلق میں یہ مرحلہ بار بار آتا ہے کہ کسی وقت انسان پر شوق کا غلبہ ہوتا ہے ۔ عبادات میں دل لگتا ہے ۔ آنکھوں سے آنسوں جاری رہتے ہیں ۔ دل ہمہ وقت اللہ تعالیٰ کی طرف متوجہ رہتا ہے۔ گناہ سے فطری کراہیت محسوس ہوتی ہے ۔ مگر پھر ایک روز اچانک یہ کیفیت رخصت ہوجاتی ہے۔ شوق تو دور کی بات ہے، اعمال صالحہ کی طرف طبیعت کا رجوع باقی نہیں رہتا۔ گناہ کی شدید خواہش بیدا ر ہوجاتی ہے۔ دنوں تک انسان کو یاد بھی نہیں آتا کہ اس کا کوئی رب ہے۔ انسان بہت جبر کرتا ہے تو رسمی طور پر نماز کے نام پر کچھ اٹھک بیٹھک ہوجاتی ہے ۔ مگر کسی عبادت میں دل نہیں لگتا۔ پہلی کیفیت صاحب ایمان کے لیے اگر جنت ہوتی ہے تو یہ دوسری کیفیت جہنم سے کم نہیں ہوتی۔ مگر حقیقت یہ ہے کہ ہر شخص کو اس مرحلے سے گزرنا پڑ تا ہے۔ یہ دونوں کیفیات راہ خدا کے راستے کا لازمی موڑ ہیں ۔ پہلا موڑ اس لیے آتا ہے کہ انسان …

آج کی بات ۔۔۔۔ 08 فروری 2014

تصویر
بڑا ہونے کے لیے چھوٹا بننا بہت ضروری ہے
لیکن
ہم بڑا بننے کے لیے چھوٹے سے چھوٹے ہوتے چلے جاتے ہیں

میرے دیس کا قاعدہ

تصویر
راﺋﺞ ﮨﮯ ﻣﯿﺮے دﯾﺲ ﻣﯿﮟ ﻧﻔﺮت ﮐﺎ ﻗﺎﻋﺪہ
ﮨﻮ ﺟﺲ ﺳﮯ اﺧﺘﻼف ، اﺳﮯ ﻣﺎر ڈاﻟﯿﮯ
شاعر: نوید رزاق بٹ

حقیقت پسندی

تصویر
حقیقت پسندی
َََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ناکامی کی صورت میں دوسروں کی شکایت کرنا صرف اپنے وقت کو ضائع کرنا ہے-
درست طریقہ یہ ہے کہ آدمی اپنی غلطی کا ذمے دار خود اپنے آپ کو سمجهے،نہ کہ کسی فرد یا گروه کو-
وه اپنی ناکامی کا سبب اپنی غلط منصوبہ بندی میں تلاش کرے،نہ کہ دوسروں کے سازش میں-
کامیابی کا یہی اصول فرد کے لیے بهی ہے،اور یہی وه اصول ہے جس پر چل کر اس دنیا میں کوئی گروه کامیاب هو سکتا ہے-
اس دنیا میں کامیابی کا راز فطرت سے موافقت میں ہے ،نہ کہ فطرت سے عدم موافقت میں۔

سچ

تصویر
سچ بڑا دشوار ہے کہنا سماعت اور بھی مشکل
شاعر:ﮐﺎﺷﻒ ﺟﺎﻧﺒﺎﺯ

سنو جو بھوک ہوتی ہے..

تصویر
سنو جو بھوک ہوتی ہے..
بہت سفاک ہوتی ہے..!!
کسی فرقے کسی مذہب سے اس کاواسطہ کیسا

تڑپتی آنت میں جب بھوک کا شعلہ بھڑکتا ہے
تو وہ تہذیب کے بے رنگ کاغذ کو
تمدن کی سبھی جھوٹی دلیلوں کو
جلا کر راکھ کرتا ہے..
نظر بھوکی ہو تو پھر چودھویں کا چاند بھی روٹی سا لگتا ہے
خودی کا فلسفہ ۔۔۔
جھوٹی دلیلیں سب شرافت کی
محض بکواس لگتی ہیں۔۔۔۔

حقیقت میں یہی سب سے بڑا سچ ہے
کہ یہ جو بھوک ہوتی ہے
بڑی بدذات ہوتی ہے...

تعلیم اور اخلاق

تصویر
تعلیم اور اخلاق میں وہی رشتہ ھے جو غِذا اور قُوّتِ حیات میں ھے . اگر کوئی غذا قوّتِ حیات پیدا نہیں کرتی تو وہ صحیح غذا نہیں ھے ۔۔
اسی طرح اگر کوئی تعلیم صالح اخلاق نہیں پیدا کرتی تو وہ صحیح تعلیم نہیں ھے ۔

لباسِ محبت

تصویر
ڈھانپے جو نفرتوں کے برہنہ وجود کو ایسی کوئی لباسِ محبت تلاش کر

نارمل انسان

تصویر
’’سر میں آج کل بہت سکون سے ہوں ۔‘‘، میں ان کا یہ جملہ سن کر حیران رہ گیا۔ کیونکہ آج سے پہلے کئی دفعہ وہ میرے پاس اپنے ٹینش اور پریشانی کا مسئلہ لے کر آئے تھے۔ میں کچھ نہیں بولا لیکن میری خاموشی میں پوشیدہ سوال کو پڑھتے ہوئے وہ خود ہی گویا ہوئے ۔
’’میں نے اپنے گھر سے اخبار کو تو پہلے بند کرا دیا تھا، مگر انٹرنیٹ پر روزانہ تین چار اخبارات کا مطالعہ کرتا تھا۔ اب انہیں بھی چھوڑ دیا۔ فیس بک سے چن چن کر ان لوگوں کو اپنی فرینڈ لسٹ سے نکال باہر کیا جو سیاسی اور مذہبی اختلافات، فرقہ واریت اور ملکی حالات کے بارے میں منفی خبریں دینا اپنا فرض سمجھتے تھے۔ ٹی وی پر آنے والے تمام نیوز چینل دیکھنا بند کر دیے۔ موبائل پر خبروں کی اپ ڈیٹ آتی تھی وہ بھی بند کرادی۔
اب فارغ وقت میں اچھی کتابیں پڑھتا ہوں ۔ گھر والوں سے باتیں کرتا ہوں ۔ دوسروں کے دکھ درد میں دلچسپی لیتا ہوں ۔ کسی کی مدد کرنا ممکن ہو تو وہ کر دیتا ہوں۔ قرآن مجید سمجھ کر پڑھ لیتا ہوں۔ بس اب زندگی میں سکون ہی سکون ہے ۔‘‘ ’’اور ملکی حالات و معاملات؟‘‘، میں نے ان کے اس سابقہ پس منظر کی روشنی میں انھیں چھیڑ تے ہوئے سوال کیا۔ کیونکہ وہ…

آج کی بات۔۔ 03 فروری 2014

تصویر
انسان خود ہی اپنا سب سے بڑا دوست اور سب سے بڑا دشمن ہوتا ہے۔ باقی اس کی اپنی ذات سے باہر ہونے والی سبھی دوستیاں اور سبھی دشمنیاں عارضی اور ناپائیدار ہوتی ہیں۔

زمرہ جات

اور دکھائیں

سبسکرائب بذریعہ ای میل