Jama tum Ho Nahi Saktey

Jama Tum Ho Nahin Saktay,
Humein Manfi Se Nafrat Ha
Tumhein TaQseem Karta Hon,
To Haasil Kuch Nahin Aata,
Koi Qa'yeda Koi KuLi'ya,
Na Laagu Tujh Pe Ho Paaye,
Zarab Tujh Ko Agar Dun To,
Hisaabon Mein KhalaL Aaye,
Ikaayi Ko Dahaayi Par,
Main Dun Nisbat to kaisay Dun,
Na AL'jabra Se Lagtay Ho,
Na Ho Digree NikaLL Aaye,
Umar Yeh Katt Gayi Meri,
Tujhy Hamdam Samjhnay Mein,
Jo HaLL Tera Agar NikLay,
To Sab Kuch Hi ULajh Jaaye,
Sif'far Thi Ibtada teri,
sif'far Hi Ab TaLak Tum Ho,
Sif'far Zarb-e-Sif'far Ho Tum,
Na Jis se Kuch FaraQ Aaye..