~!~ Tum Haqeeqat Nahi ~!~

~!~ Ghazal ~!~

Tum haqeeqat nahi ho hasrat ho
Jo miley Khuwab maiN voh daulat ho

Tum ho Khushboo, ke Khuwab ki Khushboo
Aur itney he bai_murawwat ho

Tum ho Pehloo maiN parr qarar nahi
Yani aisa hai jaisey furqat ho

Hai meri Arzoo ke mere siva
TumhaiN sab shaieerooN se vehshat ho

Kis tarah choor Doon tumhaiN jaanaaN
Tum meri Zindagee ki Adat ho

Kis liye dekhtey ho aaina
Tum to khud se bhi Khoobsoorat ho

DastaaN Khatam honey wali hai
Tum meri AaKhri Mohabbat ho..