ღ کچھ دل سے ღ

Zara Dekho!
Meri Aankhon Mein Dekho!
Meri Aankhon Mein
YaQeen Ki Lau Ko Dekho!
Meri Aankhon Ka
YaQeen Jaano!
YaQeen Ye Itna Na-Pukhta Nahi Ke
Zindagani Ke Masaa'ib Ki,
JhaMelon Ki,
Bikharti Dhool Mein,
Ye DagMaga Jaye,
Zara Dekho!
Meri Aankhon Mein Is Pehlu Badalte,
Karvatein Lete Hue,
Ehsaas Ki Shiddat Ko Pehchano!
Meri In Kaifiyaton Mein,
Niyyaton Mein,
JagMagaati Ek SadaaQat
Bolti Hai
Is SadaaQat Par,
YaQeen Aa Jayega TuMko,

Na Aaye Gar YaQeen Jaanaa_

Magar Dekho!
Suna Hai Ek Duniya Se,
Ke Sachhayi,
Khud Apna Aap Manvaati Hai Logon Se,
Ke Sachi Niyyatein,
Kaifiyyatein Aakhir,
Asar Karti Hai Dil Par,
Raayegaan
Bilkul Nahi Jaati,

To Phir Dekho
Meri Aankhon Mein Dekho..!!