~!~ Agar Mil Na Sakey ~!~

"Mil Na sakey ..."

Ager mil na sakey humdam
to ye taye hai
judayi k sabhi rastey
chalon masdood kartey hain
pakad kar ek Titli ko
sabhi purkhar raston par
Dhanak k rang buntey hain
jahan par sahem jao tum...
wahan jugnoo koi la kar...
ujala itna kartey hain
k tum ko meri ankhon me yaqeen ki shamma mil jayein
wahan par hum nayi tahzeeb ka
ek baab likhtey hain
ager hum mil nahi saktey..
to ye taye hai judayi ko!
kabhi aaney nahi dengey...
tumhein hum apni
iss diniya se ab janey nahi dengey
ager mil na sakey humdam

 

Shagufta Subhani