یہ وطن تمھارا ہے




یہ وطـــن تمہارا ہے، تـم ہو پاسبــــاں اس کے
یہ چمن تمہارا ہے، تم ہو نغمہ خــواں اس کے



اس چمـن کے پھولوں پر رنگ و آب تم سے ہے
اس زمـــــیں کا ہر ذرہ آفــــتــــــاب تـم سے ہے
یہ فضـــا تمہـــاری ہے، بحر و بر تمہارے ہیں
کہکشـــــاں کے یہ جالے، رہ گزر تمہارے ہیں



اس زمـــیں کی مٹی میں خـون ہے شہیــدوں کا
ارضِ پــــاک مرکــــز ہے قوم کی امیـــــــدوں کا
نظــــم و ضبـــط کو اپنـــــا میرِ کارواں جــــــانو
وقـــت کے انــــدھیروں مـــیں اپنــــا آپ پہچانو



یہ زمـــــیں مقــــدس ہے مـاں کے پیار کی صورت
اس چمن میں تم سب ہو برگ و بار کی صورت
دیکھنــــا گنـــــوانا مت، دولــــتِ یقــــیں لوگو
یہ وطـــــن امـــــانت ہے اور تـــــم امــــیں لوگو



مــــــــیرِ کارواں ہم تھے، روحِ کارواں تــــــــم ہو
ہم تــــــو صرف عنـواں تھے، اصل داستاں تم ہو
نفــــرتوں کے دروازے خــــــود پہ بند ہی رکھنـــا
اس وطــــــن کے پـــرچم کو سربلنــــد ہی رکھنــا


یہ وطـــن تمہارا ہے، تـم ہو پاسبــــاں اس کے
یہ چمن تمہارا ہے، تم ہو نغمہ خــواں اس کے

تبصرے

  1. یہ وطن اللہ کا دیا تحفہ ہے یہ بات کبھی نہ بھولو
    اس چھوٹے سے مُلک میں اللہ سُبحانُہُ و تعالیٰ نے ہمیں برف پوش بلند پہاڑوں سے لے کر میدانوں تک اور سرسز و شاداب پھلوں پھولوں اور سزیوں سے لدے علاقوں سے لے کر صحرا تک چھوٹی ندیوں سے لے کر سمندر تک سب کچھ دیا ہے ہم نے اس کی حفاظت نہ کی تو اللہ کے سامنے کیا جواب دیں گے ؟

    جواب دیںحذف کریں
    جوابات
    1. بے شک اللہ کا بہت بڑا انعام ہے یہ آزادی اور یہ ملک ۔۔۔ اللہ ہمیں اس آزادی کی قدر کرنے کی توفیق دے آمین!!

      حذف کریں
  2. آپ سب کو پاک کا یوم آذادی مبارک ہو

    جواب دیںحذف کریں

ایک تبصرہ شائع کریں

زیادہ دیکھی گئی تحاریر

تدبرِ القرآن.... سورہ الکھف..... استاد نعمان علی خان...... حصہ-10

دوستی ۔۔۔ میری ایک شعری کاوش

آٹھ مصیبتیں

زمرہ جات

اور دکھائیں

سبسکرائب بذریعہ ای میل