~!~ Mohabbat Jaag Jati Hai ~!~

Suno aye Chaand si larki
Abhi tum keh rahi theen na
Tumhain mujh se mohabbat ho nahi sakti
Chalo mana ke yeh sach hai
Magar aye chaand si larki
Mujhey itna bataou tum
Ke jab mosam badalte hain
Gulon main rang bharte hain
Parindey chehchahatey hain
Sureele geet gaatey hain
To kyun tum muztarib ho kar
Akele pan se ghabra kar
Hawa ko raaz deti ho
Mujhey awaaaz deti ho
Suno aye chaand si larki
Tumhare samney koi mera jab naam leta hai
To phir kyun chounk jati ho
chalo mana
tumhain mujh se mohabbat ho nahi sakti
Magar itna samajh lo tum
Jahan chahat nahi hoti
Wahan nafrat ke hone ka koi imkaan nahi hota
Mera Daawa Hai Chahat Mein
Jahan Nafrat Nahin Hoti
Wahan Aksar Yeh hota Hai
Agar Kuch Waqt Kat Jaye
Same Ki Dhool Chat Jaye
To Wehshat Bhaag Jati Hai
Mohabbat...Jag Jaati Hai.
Mohabbat.. jaag jati hai

Arshad Malik