~!~ Aagahi ~!~

 

Aagahi ka kya kehna!
Aagahi to matlab hai
Khud sey kaj aadai ki
Be-panah azeeyat ka
Talkh si suchai ka
Iss aik baat sey pehley mein
Khush numa jazeeron mein
Titli ban k urti thii
Khush fehmi meri saheli thi
Jiss ka haath thamey mein
Khushbon ki duniya mein
Door ja nikalti thii
Jab mein laut aati thii
Meri muskurati palkon pey
Khawab aa k bastey thaay
Phir aik pal khula mujh par
Meri kya haqeeqat hai
Meri kitni wauqat hai

Aagahi ka kya kehna

Aagahi haqeeqat hai