صابرین کا مصیبت کے وقت پہ بس 'انا للہ وانا الیہ راجعون' کہہ دینا کافی نہیں ہے، بلکہ دراصل یہ الفاظ ان دو عقائد کی طرف اشارہ کرتے ہیں جن پر جمے بغیر کوئی صبر نہیں کر سکتا۔ 'انا للہ' (بے شک ہم اللہ کے لئے ہیں) عقیدہ توحید ہے اور 'وانا الیہ راجعون' (بے شک ہم اسی کی طرف لوٹائے جائیں گے) عقیدہ آخرت پر ایمان ہے کہ ہر دکھ اور مصیبت ایک دن ختم ہو جائے گی اور اگر کچھ ساتھ رہے گا تو صرف آپ کے صبر کا اجر
اقتباس از مصحف ۔۔۔ نمرہ احمد
صابرین کا مصیبت کے وقت پہ بس ' انا للہ وانا الیہ راجعون ' کہہ دینا کافی نہیں ہے، بلکہ دراصل یہ الفاظ ان دو عقائد کی طرف اشارہ کر...
یہی وہ آبگینے ہیں
شاعر:احسن عزیز شہید
ذرا دھیرے سے تم چلنا
کہ یہ تو آبگینے ہیں
یہی وہ آبگینے ہیں
کبھی ہو پیاس کی شدت تو یہ پانی پلاتے ہیں
کبھی سورج کی ہو حدت تو یہ سایہ بناتے ہیں
یہ ہیں آنگن کے تارے جو ہمیشہ جگمگاتے ہیں
مکاں کو گھر بناتے ہیں
انہی میں وہ قرینے ہیں
کہ یہ تو آبگینے ہیں
یہی وہ آبگینے ہیں
کہ جو گھر بھر کی زینت بھی
یہی آنکھوں کی ٹھنڈک
یہی فرحت بھی، یہی راحت بھی
انہی سے رونق محفل
انہی سے حرمت محمل
بھری شاداب دنیا میں
یہی سرسبز اک حاصل
یہی جنت کے زینے ہیں
کہ ہیں یہ ماں
یہی بیٹی، یہی بہنا
یہی ہیں ہاتھ کا گہنا
محاذوں پر جو نکلو تو
کبھی پیروں کی بیڑی بھی ___
بنیں پسلی سے ہیں یہ
اس لیے تھوری ٹیڑھی بھی
مگر تم توڑ مت دینا
انہیں مستور ہی رکھنا
کہ عصمت کے نگینے ہیں
کہ یہ تو آبگینے ہیں
کبھی سوچا بھی ہے تم نے
یہ کتنا دکھ اٹھاتی ہیں
تمہاری زندگی کو کس طرح شاداں بناتی ہیں
تمہاری راہ کے کانٹے
یہ چن لیتی ہیں پلکوں سے
سفر آساں بناتی ہیں
سنور جایئں اگر
اک نسل کا ایماں بناتی ہیں
پھر ان معصوم کلیوں کو
یہی بصری
یہی سفیاں بناتی ہیں
یہی وہ آبگینے ہیں شاعر: احسن عزیز شہید ذرا دھیرے سے تم چلنا کہ یہ تو آبگینے ہیں یہی وہ آبگینے ہیں کبھی ہو پیاس کی شدت ت...
اس فانی دنیا میں ہم کو
کتنے ہی رشتے ملتے ہیں
سب سے پیارے خوں کے رشتے
جو رب نے ہم کو بخشے ہیں
جن سے ناتا ہے عمروں کا
وہ اپنی روح کے رشتے ہیں
کچھ رشتے ایسے ہوتے ہیں
جو دل کے رشتے ہوتے ہیں
احساس کے رشتے ہوتے ہیں
کبھی بن جائیں وہ پل بھر میں
کبھی ان کو صدیاں لگ جائیں
کچھ انجانے سے لوگ ہمیں
ان راہوں میں مل جاتے ہیں
بس جاتے ہیں وہ دھڑکن میں
دل میں پیہم ہو جاتے ہیں
پر اکثر یہ دل کے رشتے
شیشے سے نازک ہوتے ہیں
کبھی گرم ہوا جو چُھو جائے
خود سے ہی پگھلنے لگتے ہیں
اعتبار کو گر کوئی ٹھیس لگے
پل میں یہ بکھر بھی جاتے ہیں
پر ہو جائیں راہیں بھی جدا
دل سے نہ دور یہ جاتے ہیں
رشتوں کی عجب یہ دنیا ہے
رشتوں کی ریت نرالی ہے
لیکن ان سب رشتوں میں ہی
اک دنیا ہم نے پا لی ہے
سیما آفتاب
اس فانی دنیا میں ہم کو کتنے ہی رشتے ملتے ہیں سب سے پیارے خوں کے رشتے جو رب نے ہم کو بخشے ہیں جن سے ناتا ہے عمروں کا...
کوئی خواب دشتِ فراق میں سرِشام چہرہ کشا ہُوا
مِری چشمِ تر میں رُکا نہیں کہ تھا رَتجگوں کا ڈسا ہُوا
مِرے دِل کو رکھتا ہے شادماں، مرے ہونٹ رکھتا ہے گُل فشاں
وہی ایک لفظ جو آپ نے مِرے کان میں ہے کہا ہُوا
ہے نِگاہ میں مِری آج تک وہ نِگاہ کوئی جُھکی ہُوئی
وہ جو دھیان تھا کِسی دھیان میں، وہیں آج بھی ہے لگا ہُوا
مِرے رَتجگوں کے فشار میں, مِری خواہشوں کے غبار میں
وُہی ایک وعدہ گلاب سا سرِ نخل جاں ہے کِھلا ہُوا
تری چشمِ خُوش کی پناہ میں کِسی خواب زار کی راہ میں
مِرے غم کا چاند ٹھہر گیا کہ تھا رات بھر کا تھکا ہُوا
ہے یہ مُختصر، رہِ عشق پر، نہیں آپ ہم، رہے ہم سَفر
تو لو کس لیے یہ مباحثہ، کہاں, کون, کیسے, جُدا ہُوا
کِسی دل کُشا سی پُکار سے اُسی ایک بادِ بہار سے
کہیں برگ برگ نمو مِلی، کہیں زخم زخم ہَرا ہُوا
ترے شہرِ عَدل سے آج کیا سبھی درد مند چلے گئے
نہیں کاغذی کوئی پیر ہن، نہیں ہاتھ کوئی اُٹھا ہُوا
مِری چشمِ تر میں رُکا نہیں کہ تھا رَتجگوں کا ڈسا ہُوا
مِرے دِل کو رکھتا ہے شادماں، مرے ہونٹ رکھتا ہے گُل فشاں
وہی ایک لفظ جو آپ نے مِرے کان میں ہے کہا ہُوا
ہے نِگاہ میں مِری آج تک وہ نِگاہ کوئی جُھکی ہُوئی
وہ جو دھیان تھا کِسی دھیان میں، وہیں آج بھی ہے لگا ہُوا
مِرے رَتجگوں کے فشار میں, مِری خواہشوں کے غبار میں
وُہی ایک وعدہ گلاب سا سرِ نخل جاں ہے کِھلا ہُوا
تری چشمِ خُوش کی پناہ میں کِسی خواب زار کی راہ میں
مِرے غم کا چاند ٹھہر گیا کہ تھا رات بھر کا تھکا ہُوا
ہے یہ مُختصر، رہِ عشق پر، نہیں آپ ہم، رہے ہم سَفر
تو لو کس لیے یہ مباحثہ، کہاں, کون, کیسے, جُدا ہُوا
کِسی دل کُشا سی پُکار سے اُسی ایک بادِ بہار سے
کہیں برگ برگ نمو مِلی، کہیں زخم زخم ہَرا ہُوا
ترے شہرِ عَدل سے آج کیا سبھی درد مند چلے گئے
نہیں کاغذی کوئی پیر ہن، نہیں ہاتھ کوئی اُٹھا ہُوا
کوئی خواب دشتِ فراق میں سرِشام چہرہ کشا ہُوا مِری چشمِ تر میں رُکا نہیں کہ تھا رَتجگوں کا ڈسا ہُوا مِرے دِل کو رکھتا ہے شادماں، مرے ...
محبت کے راز صرف نصیب والوں پر آشکار ہوا کرتے ہیں- جو محبتیں ظاہر کر دی جائیں وه غرض ہوتی ہیں, اور غرض کبھی کبھی پوری نہیں بھی ہوتی-
دل ميں رکھی گئی محبتیں آخر کار دعا بن جاتی ہیں , مگر يہ بات ہر کوئی سمجھ نہیں پاتا......!!!
محبت کے راز صرف نصیب والوں پر آشکار ہوا کرتے ہیں- جو محبتیں ظاہر کر دی جائیں وه غرض ہوتی ہیں, اور غرض کبھی کبھی پوری نہیں بھی ہوتی- دل م...
سبسکرائب کریں در:
اشاعتیں (Atom)
کچھ میرے بارے میں
تدبر سورہ الرحمٰن
استاد نعمان علی خان کے لیکچرز کا ترجمہ
